«Երաշխիք» ՔՀԿ ՀԿ-ն ՀՀ Սպորտի և երիտասարդության հարցերի նախարարության ֆինանսական աջակցությամբ օգոստոսի 1-ից նոյեմբերի 30-ը ընկած ժամանակահատվածում իրականացնում է «Համայնքային երիտասարդների զարգացման ծրագիր»-ը, որի նպատակն է աջակցել Շիրակի մարզի երիտասարդական խնդիրներով զբաղվող ՀԿ-ների և երիտասարդ ոչ ֆորմալ լիդերների քաղաքացիական գիտելիքների մակարդակի բարձրացմանը, տեղում երիտասարդական ծրագրեր և ռազմավարություններ մշակելուն, նպաստել համայնքներում որոշումների ընդունման և զարգացման պրոցեսներում նրանց ակտիվ մասնակցությանը և քաղաքականության մեջ տարբեր քաղաքացիական նախաձեռնությունների ինտեգրմանը:
Սեպտեմբերի 11-ին իրականացվեց սեմինար-վարժանքի երկրորդ պարապմունքը:
Բոլոր մասնակիցները ժամը 15:00-ից շուտ արդեն հավաքված էին Սուրբ Թարգմանչած անվան թիվ 30 միջն.դպրոցի բակում, որը վկայում էր վարժանքներում մասնակիցների հետաքրքրվածության մասին:
Սեմինար-վարժանքը մեկնարկեց ծրագրի համակարգող Արմինե Պետրոսյանը իր ողջույնի խոսքով: Ողջունելով մասնակիցներին նա առաջարկեց մշակել ներխմբային կանոնակարգ: Այնուհետև ներկայացրեց սեմինար-վարժանքի թեման և սեմինարավար Թերեզա Խաչատրյանին:
Թ.Խաչատրյանը մասնակիցների շրջանում անցկացնելով ակնթարթային (բլից) հարցում`ստուգեց նրանց տեղեկացվածության աստիճանը դասավանդվող թեմայի վերաբերյալ: Ապա սլայդների միջոցով հանգամանգալից ներկայացրեց «Համայնքի երիտասարդության առաջնային կարիքների
վերլուծություն և գնահատում» թեման` կիրառելով մի շարք վարժություններ ինչպիսիք էին` օդապարիկի և անհատի կարիքների և նպատակների նույնականացում վարժությունները:
Խմբի յուրաքանչյուր մասնակից ակտիվորեն մասնակցում էին սեմինար-վարժանքին` հետևելով սեմինարավարի բոլոր ցուցումներին:
Օրը բարեհաջող ու արդյունավետ էր ոչ միայն մասնակիցների, այլև փորձագետի և կազմակերիչների համար:
0 коммент.:
Добавлять новые комментарии запрещено.