Ապրիլի 26, 2011թ.
Երևան
Դիմում-հայտ ներկայացնելու հրավեր
Քաունթերփարթ ինթերնեշնլ կազմակերպության հայաստանյան ներկայացուցչությունը հրավիրում է քաղաքացիական հասարակության կազմակերպություններին (Հայաստանում գրանցված և գործող հասարակական կազմակերպություններ, հիմնադրամներ, իրավաբանական անձանց միություններ) մասնակցելու իր` պետական մարմինների և քաղաքացիական հասարակության կազմակերպությունների միջև համագործակցության դրամաշնորհային ծրագրին:
Քաունթերփարթ ինթերնեշնլը միջազգային հասարակական կազմակերպություն է, որն աշխատում է համայնքների և քաղաքացիների հետ ամբողջ աշխարհում` կայուն լուծումներ առաջարկելով համընդհանուր մարտահրավերների համար:
Այս դրամաշնորհային ծրագիրն իրականացվում է ԱՄՆ միջազգային զարգացման գործակալության կողմից ֆինանսավորվող «Քաղաքացիական հասարակության և տեղական ինքնակառավարման աջակցության» քառամյա ծրագրի շրջանակներում, որի նպատակն է ազգային և տեղական մակարդակներում աջակցել տեղեկացված և կազմակերպված քաղաքացիական նախաձեռնություններին` ավելի մասնակցային, ապակենտրոնացված, արդյունավետ և հաշվետու տեղական ինքնակառավարման խրախուսմանը զուգընթաց, որոնք էլ կհանգեցնեն ավելի ժողովրդավարական հասարակության հաստատմանը:
Այս դրամաշնորհային ծրագրի նպատակն է բարձրացնել պետական մարմինների գործունեության թափանցիկությունը, նպաստել հաշվետվողականությանը և քաղաքացիների խնդիրներին արձագանքմանը:
0 коммент.:
Отправить комментарий